Debate dhe përplasje në Komisionin e Sterilizimit. Vokshi hyn në sallë dhe i fik mikrofonin nënkryetarit Ndreca

Ka nisur me debate dhe përplasje mbledhja e Komisionit të Sterilizimit paraditen e sotme, pasi garda nuk lejoi deputetët e opozitës të futen brenda.

Kryetarja e Komisionit, Albana Vokshi ka arritur të futet në sallë dhe i ka fikur mikrofonin Plarent Ndrecës, që kishte nisur mbledhjen pa deputetët e opozitës.

“Kush je ti që…” i drejtohet deputetja demokrate dhe më pas i fik mikrofonin.

Më pas, Vokshi është përplasur edhe me deputetët socialistë.

Pjesë nga debati

Plarent Ndreca: Mirë është të qetësohesh, kujdes me duart.

Albana Vokshi: Ka mundësi??

Ndreca: Qetësohu

Vokshi: Ka mundësi?

Ndreca: Jo, nuk ka asnjë mundësi pa asnjë votim!

Vokshi: Mbledhja nuk ka nisur , unë te dera ju nisni mbledhjen

Ndreca: E kemi nisur.

Vokshi: Po ju  pra me urdhër politik ndaloni deputët të hyjnë në sallë.

Ndreca: Pse bërtet?

Vokshi: Do bërtas sa të dua… Zoti Opre dil përjashta se jemi për procedurë. O Garda nxirre përjashta dëshmitarin!

Albana Vokshi: Unë i trajtoj siç thotë ligji.

Ilir Metaj: Ke nevojë për ndihmë mjekësore. Ka nevojë për qetësues.

Vokshi: Të dalë jashtë dëshmitari.

Plarent Ndreca: Dëshmitari s’del, harroje por bëj ndonjë zgjidhje tjetër. Keni ndonjë variant B. Ke ndërmend të bësh diçka tjetër.

Vokshi: Ti ki kujdes të mos ndjekësh urdhrin e kryetarit të komisionit dhe të Plarent Ndrecës, nesër do pendohesh. Ai do përballet me ligjin sepse po shkel urdhrin e kryetarit.

Ndreca: Kryetari që uzurpon punën, nuk është askush. Nuk është komision i opozitës, është komision i Kuvendit. Ti do ta kthesh personale.

Vokshi: Aman Petro (Koçit), një pallat një votë Petro.

Ndreca: Ke ndërmend të vazhdosh.

Vokshi: Do hapet mbledhja njëherë.

Ndreca: Ju njihni vetëm molotovë. Ligji thotë që kur mungon kryetarja…

Vokshi: Nuk mungon kryetarja, isha në orar. Ju s’më latë të hyja.
Ilir Metaj: O sekretarja njoftoni ndihmën mjekësore, kryetarja ka nevojë për trajtim shëndetësor. Je deformuar frikshëm për të qenë grua. Qetësohu, mbushu me frymë!

Vokshi: Qetësohu, mos bëj zhurmuesin.
Nxirr dëshmitarin, të vazhdojmë mbledhjen.

Ilir Metaj: Dështimi i protestës ju paska bërë dëm.
Vokshi: Prandaj po bëni kështu. Nuk heqim dorë, përballë do na keni, pavarësisht se po bëni zhurumuesin.
Ilir Metaj: Pusho se je grua, ruaj elegancën dhe etikën.

Vokshi: Mbylle gojën, mos më trego mua.