Shkrimtarja Flutura Açka ka reaguar ndaj polemikave të fundit për personazhin e Helenës së Trojës në filmin Odiseja, me regji të Christopher Nolan. Në një postim në rrjetet sociale, ajo kritikoi debatet për ngjyrën e lëkurës së personazhit, duke theksuar se arti nuk është politikë. Sipas Açkës, koncepti i së bukurës duhet ridimensionuar, ndërsa nënvizoi se “sa për racë, ka vetëm një: njeriu”.
Postimi i plotë
Helena është Helenë, e bardhë apo e zezë më qenë
Ka shpërthyer debat i madh për Helenën e Trojës së filmit të fundit Odiseu (The Odyssey , 2026) të Christopher Nolan dhe së shoqes, Emma Thomas.
Pa le janë fyer ca se Helena tani qenka me ngjyrë.
Arti nuk është politikë!
E të mendosh se në ç’shijë është kjo botë kur beson se mes këtyre të dyjave, Helena e klishesë sonë, ajo e bardha, është më e bukur!
Thjesht ridimensiononi konceptin e vjetëruar të së bukurës!
Sa për racë, ka vetëm një: Njeriu!