Debati në Kuvend për ”Prestige Resort”. Deputetja-ministrit: Punonjësit veç dashnoret s’ua nxorën

Shembjet në ”Prestige Resort”, u bënë objekt debati edhe në seancën plenare në Kuvend. Deputetja demokrate Flutura Açka replikoi me ministrin e Drejtësisë, Ulsi Manja, ku pohoi se punonjësit e resortit nuk i lanë pa përmendur veç të dashurat të maxhorancës.

”Ministri nuk ka fare pse të më përmendë pishinat, kur në fakt e thanë vetë punëtoret e resortit që kanë qenë aty njerëzit tuaj, vetëm që nuk ju treguan dashnoret, të gjitha i treguan, e lanë vetëm kafshuan gjuhën tek dashnoret.

Para se të më përmendë mua pishinat, unë kam qenë atje si kryetare e komisionit të medias. Me paratë e atij resorti mbahet një media shumë prestigjioze në Shqipëri, ndër të vetmet që nuk e ka ulur shpinën para publikut”.