Dekomunistizimi, Alibeaj: Shoqëria shqiptare nuk u distancua nga diktatura

Deputeti i PS, Bujar Çela uroi Pavarësinë e foton e diktatorit Enver Hoxha, duke e dërguar në grupin e rrjetit Whatsapp të Komisionit të Sigurisë. Kjo përkon me nismën që PD-ja do të ketë, me një paketë ligjore për dekomunistizimin e shoqërisë.

Nënkryetari i PD-së Enkelejd Alibeaj, thotë se një veprim i tillë s’ka ndodhur në 20 vitet e fundit, ndërsa shton se kjo tregon që shoqëria shqiptare ende nuk është distancuar nga diktatura.

”Do të jetë reagim ndaj asaj ç’ka diktatura enveriste i ka shkaktuar këtij vendi. Mungesën e tolerancës, mungesa e respektit ndaj njëri-tjetrit, rikrijimin dhe sjelljen e qartë atë se çfarë janë vlerat reale që një shoqëri duhet të ketë, ndëshkimin e krimeve të komunizmit, rehabilitimin e viktimave, hapjen e dosjeve. Këto janë vetëm disa nga drejtimet ku një paketë ligjore do mund të çonte drejt dekomunistizimit”.