Televizioni italian “RAI 3” ka transmetuar sot një kronikë që flet për rritjen e sasisë së kanabisit të mbjellë gjatë vitit që lamë pas në Shqipëri. Lidhur me këtë njoftim shqetësues të medias italiane ka reaguar nënkryetari i LSI-së, Petrit Vasili. Në një shënim në Facebook, Vasili shprehet se shifrat e publikuar nga media e njohur italiane janë një alarm kombëtar që duhet të vënë në lëvizje gjithë institucionet.
“Televizioni Shtetëror Italian RAI 3 denoncoi sot publikisht rritjen tragjike, eksponenciale te kultivimit të drogës me1200 % vitin e fundit ne krahasim me një vit më parë. Edi Rama dhe qeveria e tij nuk lufton aspak, por shfrytëzon dhe mbështet mbjelljen masive të drogës për të mbajtur pushtetin”,- shprehet Vasili.
Reagimi i plotë i Petrit Vasilit në Facebook:
“Alarm Kombëtar!! Denoncimi i RAI 3: “Rritet 1200% ose 12 herë mbjellja e kanabisit”!(VIDEO). Televizioni Shtetëror Italian RAI 3 denoncoi sot publikisht rritjen tragjike, eksponenciale te kultivimit të drogës me1200 % vitin e fundit ne krahasim me një vit më parë.
Edi Rama dhe qeveria e tij nuk lufton aspak, por shfrytëzon dhe mbështet mbjelljen masive të drogës për të mbajtur pushtetin.
Rama dhe Lleshaj janë thjesht dy mashtruese kur flasin për drogën. Të vërtetat për drogën i di gjithë Europa dhe bota. Edi Rama është vetëm ai që pengon dhe izolon Shqipërinë nga Europa dhe e ka shndërruar në narkoqeverisje rilindjen.
Shiheni VIDEON transmetuar sot ne edicionin e lajmeve te ores 19.00 nga RAI 3”.
https://www.facebook.com/petritvasil/videos/796896534055167/