Bordi Këshillimor Ndërpartiak i Fondacionit Westminster For Demokracy (WFD), i përbërë nga deputetë dhe ish-deputetë të Parlamentit britanik, bëri një vizitë në selinë blu. Delegacioni britanik u prit nga nënkryetari i Rithemelimit të PD, Oerd Bylykbashi, deputetja Albana Vokshi, shefja e departamentit me Jashtë, Ilda Zhulali dhe shefi i Kabinetit të kryetarit të Rithemelimit të PD, Akil Kraja.
Gjatë shkëmbimeve përfaqësuesit britanikë vunë në pah rolin e PD në themelimin e pluralizmit në vend dhe theksuan që Partia Demokratike është vijuese e kësaj trashëgimie. U evidentua gjithashtu miqësia e patjetërsueshme mes Shqipërisë dhe Britanisë së Madhe, dhe kjo marrëdhënie është materializuar edhe në lidhjet e shkëlqyera mes PD dhe Partisë Konservatore Britanike.
Deputetët britanikë rikonfirmuan vijimin e bashkëpunimit në organizimin e primareve, mbrojtjen e zgjedhjeve, Kodit të Etikës të PD, si “një parti që mund të drejtojë vendin”, thuhet në njoftimin për mediet. Në bisedë u fol gjithashtu për sulmin e pashembullt ndaj opozitës shqiptare. Partnerët anglezë ishin mëse të informuar për situatën politike në vend.
