Deputetët vendosin: Në izolim të dënuarit e rrezikshëm

Të dënuarit e rrezikshëm dhe ata që tentojnë arratisjen, do t’i nënshtrohen masave shtesë të izolimit. Në Komisionin e Sigurisë Kombëtare u bë e ditur se tashmë është ngritur dhe komisioni i vlerësimit që do të marrë në shqyrtim të gjitha kërkesat. Rehabilitimi social dhe riintegrimi i të miturve është një shtesë e re e projektligjit të miratuar këtë të enjte nga Komisioni Për Sigurinë Kombëtare. Në drejtorinë e burgjeve është ngritur komisioni i vlerësimit që do të vërë në zbatim sistemin ”41 bis”. Gjatë diskutimeve deputetët kërkuan ndryshimin e disa neneve të draftit “për të drejtat dhe trajtimin e të dënuarve me burgim dhe të paraburgosurve”. Pavarësisht propozimeve, deputetët nuk pranuan tu krijonin të dënuarve lehtësira të tjera për bisedat me telefona.