Deputeti i PD-së së Rithemelimit, Dashnor Sula ka komentuar zhvillimet e fundit politike në vend. Sa i përket bashkimit mes demokratëve, Sula u shpreh se ai i mbetet qëndrimit të tij “të panegociueshëm” me Sali Berishën dhe mbështetësit e këtij të fundit. Sula shtoi se ish-kryeministri nuk mund të hetohet për një vendim kolegjial, dhe se për rastin e inceneratorëve nuk ndiqet e njëjta metodë.
”I mbetem qëndrimit se dy gjëra janë të panegociueshme me Berishën dhe mbështetësit e tij. Unë kam një qëndrim tjetër, por edhe sa i përket reformës në drejtësi që Berisha dhe të tjerët e kanë votuar. Tashmë që bëhet fjalë për SPAK dhe GJKKO unë kam një qasje tjetër. Pas vitit ’90 këta janë rinovuar nga pushteti komunist dhe bëjnë sikur nuk pengojnë drejtësinë, dhe opozita fatkeqësisht përdor muskujt, pra fjalët dhe nuk ka përdorur mendjen. Në aparencë këta duken sikur e mbështetin reformën në drejtësi, atë nuk e ka bërë PS.
Unë për zotin Dumani mund të them që është njeri i pakorruptuar dhe i ndershëm, ka edhe kolegë të tjerë të tillë. Por ka edhe segmente edhe në SPAK që mendoj se janë më afër mazhorancës apo interesave të tjerë. Nuk mund të hetohet Berisha për një VKM kolegjiale, ndërsa të gjithë personat nën zotin Berisha nuk janë hetuar fare. Për rastin e inceneratorit që flitet për VKM, kur hetohet drejtori, shoferi, etj, këta që kanë firmosur VKM si Berisha nuk hetohen. Ka dy standarde.
Është hera e parë që një amnisti po bëhet në një mënyrë të njëanshme, gjithmonë është bërë mes mazhorancës dhe opozitës së bashku me ekspertë. Amnistia duhet të bëhet, por ajo është një dështim i shoqërisë. Unë nuk jam kundër amnistisë, por duhet një studim i hollësishëm. Mazhoranca duhet të bashkëjetojë me ne. Për dy vite ne kemi bashkëpunuar me mazhorancën edhe pse nuk na merreshin parasysh iniciativat ligjore. Ne kemi kërkuar të drejtat që na jep jo mazhoranca, por kushtetuta”, u shpreh ai.