Deputeti “kaubojs” Eduart Ndocaj: Rama ta heqi nga goja fjalën “burg”!

 

 

Deputeti më i ri i parlamentit "kaubojsi" lezhjan që vjen nga Milano si emigrant ,Eduart Ndocaj, ka folur tek emisioni i Fevziut se duhet të votojnë emigrantët dhe se kryeministri Rama duhet ta heq nga goja fjalën "burg".

Deputeti tha se ka shkollën e mesme për gjeometër dhe se do të jetë pjesë e PDK-së së Nard Ndokës. Në statusin zyrtar të tij ka shkruar se ai u prit sot kur erdhi në Atdhe si Ismail Qemali para 103 viteve. Kur Fevziu i nxori fotografinë e vitit 1921 me deputetë emrat më të mëdhenjë të historisë kombëtare deputeti emigrant tha se ky i sotmi është parlamenti më i dobët në historinë e vendit.

Ndërkohë që lista e Lezhës e bërë nga Edi Rama në zgjedhjet e vitit 2013 nxori deputetë të inkriminuar, një është në burg, një që dorëzoi mandatin, një kandidat tjetër ka hyrë në burg , duke e turpëruar Lezhën historike me listën që i nxori popullit në votime. Lezha nuk ka patur asnjëherë deputetë të tillë dhe do mbahet mend gjatë për këtë listë emrash, me ndonjë përjashtim të vogël.