Deputeti Spaho sfidon hapur analistin Demalia: Po të kisha dashnore, do ta merrte vesh e gjithë Shqipëria

Deputeti i PD-së, Edmond Spaho vijon përplasjen virtuale me analistin Ilir Demalia. Për deklaratën e këtij të fundit se është i ngjashëm me Safet Gjicin sepse ka histori rozë me një mësuese nga Maliqi, Spaho e sfidon që të tregojë emrin.

“Replikë e detyruar me Syçin, alias Ilir Demalia: Shpifjen e keni mjetin e parë të sulmit. Unë nuk kam prona të asnjë lloji në Korçë dhe Pogradec. Nëse disponon fakte çoji në Inspektoriatin e Kontrollit dhe Deklarimit te Pasurise si dhe në SPAK. Sa per atë historine rozë më gajase. Nëse do ishte e vërtetë, do e kishte marrë vesh gjithe Shqipëria, pasi Maliqi një pëllëmbë është. Thuaje me emër mbiemer. Jo më qyteti N, inspektori P, informatori K si në kohën e Sigurimit. Je larg nuk të hedh dot në gjyq. Këtu e mbyll debatin me ty”, shkruan Spaho.

Analisti e cilëson Edmond Spaho si ”palluqe të parlamentit që i ka fryrë bilbilit”, ndërsa i përmend edhe detaje nga jeta e tij personale. ”A e di gruaja jote se ti i paguan mësueses E… nga Maliqi kreditin e saj dhe ke një apartamet me qera në katin e 7 të në Korçë dhe aty “bisedoni” me E…Nuk je shumë larg nga Gjici, o Gic Palluqe Bilbili”,-shkruan Demalia.