Deputetja e PD: Nexhmijes do t’i gjejnë strehë

Deputetja e PD-së në qarkun e Vlorës, Nada Meçorapaj ka komentuar projektin e ARRSH-së për “Unazës së Re”, në sajë të të cilës është parashikuar të preken mbi 300 banesa dhe biznese nga “Pallati me shigjeta” te ”Shqiponja”. Sipas deputetes demokrate qeveria ka falimentuar kur i sheh qytetarët e vet si kavje.

”Nexhmijes do t’i gjejnë strehë se e kanë të tyren. ”Shtetëzimi” pa procedurë, pa paralajmërime, pa rregullim, pa mëshirë për banorët e Unazës së re nuk është i pari dhe as i fundit i kësaj qeverie. E kemi parë në Vlorë, Pogradec, Tiranë e gjithkund ku interesat klienteliste të Qeverisë triumfojnë mbi të drejtat e njeriut për strehim, kushte normale dhe jetë më të mirë. Qeveria ka falimentuar kur i sheh qytetarët e vet si kavje”, shkruan deputetja.