Deputetja e PS, Bylykbashi: Qytetarët nuk kanë kërkuar dorëheqjen e Ramës

Deputetja e PS-së, Aulona Bylykbashi u përfshi në një debat me politologun Adri Nurellari në lidhje me protestat. Bylykbashi pretendoi se protestuesit s’kanë kërkuar dorëheqjen e kryeministrit Rama, por përmirësimin e qeverisjes. Në ”A2cnn”, Nurellari e hodhi poshtë këtë pohim, duke theksuar se dorëheqja e kryeministrit ka qenë kërkesë e vazhdueshme e qytetarëve, edhe kur sheshi ka qenë i mbushur plot.

DEBATI

Bylykbashi: Pse ju ka kanë braktisur qytetarët?!

Nurellari: Është duke vazhduar akoma.

Bylykbashi: Ju kanë braktisur sepse kanë kuptuar që ju keni interesa të ndryshme. Kanë kuptuar s’ndajnë të njëjtat interesa me ju.

Nurellari: Kush armiqtë e brendshëm? Algoritmi? Influencerët?

Bylykbashi: Qytetarët nuk kanë kërkuar dorëheqjen e Ramës.

Nurellari: Kush tha?!

Bylykbashi: Qytetarët kanë kërkuar të përmirësohet qeverisja në pikat ku ata kishin problematika.

Nurellari: Në asnjë moment dorëheqja s’ka munguar si kërkesë. Pra ju po gënjeni edhe në publik tani?!

Bylykbashi: Jo ne nuk po gënjejmë, absolutisht jo.

Nurellari: Kur sheshi ishte i mbushur plot kërkesa ka qenë dorëheqja. Gjithë kohën ka qenë dorëheqja. Ju po gënjeni publikisht tani. A ka qenë kërkesë gjithmonë edhe kur ka qenë sheshi mbushur dhe i zbrazur.