Deputetja Marjana Koçeku shkon në Kishë dhe lutet

Deputetja Marjana Koçeku e cila doli nga grupi i PS-së, ka ndarë një tjetër reagim në rrjetet sociale. Ajo ndodhet brenda një kishe, me kokën drejtuar nga tavani i saj ku shihet një kryq.

“Zot më jep forcë, besim të drejtë e shpresë të sigurt. Mos na e kurse si popull frymën e urtisë, dhe të kuptimësisë, që kurrë mos të largohena drejt rrugëve t’humbuna”, shkruan Koçeku.

Një ditë më parë, deputetja njoftoi largimin nga grupi i PS duke thënë se tashmë është e pavarur. Ndërkohë, në kampin e socialistëve ka pasur reagime për këtë veprim pasi janë shprehur se duhet ta dorëzojë mandatin pasi e siguroi vetëm falë mbështetjes së PS dhe listës së mbyllur.