Dëshmon në polici personi që u rrëmbye tek Liqeni Artificial

Policia e Tiranës u vu në alarm mbrëmjen e kaluar për shkak të denoncimit të rrëmbimit të një personi pranë zonës së Liqenit Artificial në Tiranë.

Personi i identifikuar si Leonard Gavelli 43 vjeç nga Berati është vetëdorëzuar sot në mëngjes në Drejtorinë e Policisë së Tiranës.

Ai pritet të dëshmojë për ngjarjen. Dëshmitarë nga vendi i ngjarjes i thanë dje policisë se ishin 4 pengëmarrësit e armatosur që u larguan me një automjet tip BMW.

Ende janë të paqarta rrethant e ngjarjes, por mendohet se shkak për këtë janë bërë borxhet që viktima ka pasur ndaj këtyre personave.

Policia ka ngritur postblloqe në të gjithë kryeqytetin për të mundësuar kapjen e autorëve.