Dështon seanca e parë në Apel për Belerin, kryetari i Himarës: Nuk kam zgjedhur ende avokat

Këtë të hënë, Gjykata e Posaçme e Apelit nuk arriti të çelë shqyrtimin gjyqësor për kryebashkiakun e zgjedhur të Himarës, Alfred Belerin dhe të bashkëpandehurin tjetër, Pandeli Kokaveshi këtë të hënë.

Shkak u bë mungesa e mbrojtësve të Belerit dhe Kokaveshit. Të dy ata i thanë treshes së gjyqtarëve se nuk kishin zgjedhur ende avokat me të cilët do të përfaqësohen.

Apeli caktoi dy avokatë të shtetit për ta duke shtyrë seancën për në 7 qershor dhe lënë kohë të hetuarve për të zgjedhur mbrojtësit. Beleri dhe Kokaveshi u gjetën fajtor në Shkallë të Parë për blerje të votave në zgjedhjet lokale të 14 Majit 2023.