Detaje/ Tre banesa me qira në Vlorë, si i shpëtoi ndjekjes së policisë vrasësi i trefishtë (Foto)
Katër vite më parë ai vrau tre persona të pafajshëm në një plazh privat në zonën e ‘Ujit të Ftohtë” dhe u shpall në kërkim ndërkombëtar nga Interpoli, por jetonte qetësisht brenda qytetit të Vlorës dhe këtë e kishte menduar mirë, duke ndërruar shpeshherë banesat.
Policia e Vlorës njoftoi se shtetasi Delin Hajdaraj, 26 vjeç rrinte në banesën në katin e katërt, marrë me qira, të një pallati në lagjen “Ujë i Ftohtë” Vlorë. Policia dispononte informacion se ky shtetas strehohej edhe në 2 banesa të tjera me qira brenda në qytet. Të tre banesat, i mbante me qira që prej muajit Gusht të vitit 2016 dhe i përdorte për t’i shpëtuar ndjekjes së Policisë së Vlorës.
Hajdaraj u dënua me burg përjetë për vrasjen e Sokol Isufajt, 34 vjeç, Serdi Bajlozit, 17 vjeç dhe 53vjeçares Diana Ademi,
Çfarë ju gjet në banesë
Pas ndërhyrjes dhe neutralizimit të personit nga Forcat Speciale Renea, gjatë kontrollit të ushtruar në banesën e tij në zonën e “Plazhit të Vjetër” Vlorë, Policia ka gjetur dhe sekuestruar në cilësinë e provës
materiale:
– një armë zjarri të llojit Pistoletë TT,
– një silenciator,
– një krëhër të mbushur me fishekë,
– 37 copë fishekë në total, të kalibrit 7.62 mm,
– 2 aparatë celularë.
KOHA JONË SONDAZH
