Detajet nga tragjedia në plazh, babai hyri në det për të shpëtuar djemtë

Detaje të reja nga tragjedia e sotme në plazhin e Vilë-Bashtovës, në Kavajë, ku një baba me dy djemtë e tij të mitur kanë humbur jetën. 50-vjeçari është futur për të shpëtuar djemtë e tij, pasi ka parë që po mbyteshin.

Ka pasur edhe pushues të tjerë dhe pronarë biznesesh në zonë që kanë tentuar të japin ndihmën e parë për 3 personat, por nuk kanë mundur të shpëtojnë asnjërin prej tyre.

“Po të ishte ndihma e shpejtë, dy të tjerët do të kishin shpëtuar. I vogli doli pa jetë, por të tjerët do të shpëtonin nëse do kishin pasur ndihmën e shpejtë”, thotë një nga pushuesit.