Detajet nga vrasja në Vlorë/ Autori zbriti nga mjeti me xhama të zinj dhe qëlloi me breshëri 31-vjeçarin, dyshohet për …

Zbardhen detaje të reja nga vrasja e 31-vjeçarit Taulant Gjika, në Vlorë. Gazetari Enrik Mehmeti raporton për “BalkanWeb” se autori i krimit ka zbritur nga një makinë me xhama të zinj dhe është drejtuar nga i riu, duke e qëlluar me breshëri kallashnikovi.

Autori i ngjarjes ka qenë i maskuar, por siç raporton gazetari Mehmeti dyshohet se është identifikuar dhe shoqëruar nga policia.

Sa i përket të shkuarës së viktimës, gazetari Mehmeti thekson se ai nuk njihej dhe nuk ishte i identifikuar si një nga njerëzit e botës së krimit.

Paraprakisht po hetohet për ndonjë përplasje të mundshme mes autorit dhe viktimës jashtë Shqipërisë, pasi 31-vjeçari Gjika ka jetuar jashtë dhe dyshohet se aty mund të ketë ndonjë bazë konflikti.