Dibër/Babi përdhunoi vajzën 15 vjeçe në pyll; Arrestohet 46 vjeçari

Nuk kanë fund të tilla lajme në vendin tonë. Një ngjarje e rëndë ka tronditur përsëri opinionin publik. Një baba 46 vjeçar përdhunon vajzën e tij 15 vjeçe. Krimi ka ndodhur në zonën e Dibrës. Në shoqërinë e psikologut dhe të Prokurorit është marrë në pyetje vajza e mitur, e cila pasi kishte bërë denoncimin në polici. Shtetasi Guri Përgjegji pas 12 orësh është arrestuar dhe tashmë do të përgjigjet për krimin e bërë.

Vajza është gjetur në shtëpinë e xhaxhait të saj, në gjendje të rëndë psikologjike, ditën e djeshme, rreth orës 11:00. Ajo ka pohuar se përdhunimi ka ndodhur në një vend të pyllëzuar dhe ai u largua menjëherë në drejtim të pyllit.

Ngjarja

Kryen marrëdhënie seksuale me dhunë me vajzën e vet, arrestohet pas 12 orë kërkimesh e ndjekje nga  Policia. Me datën 18.08.2016 mbi bazën e një informacioni të marrë në rrugë operative se në një fshat  të Njësisë Administrative Kastriot,  një minorene ishte në gjendje të rëndë psikologjike, efektivat e policisë kanë shkuar menjëherë ku ka rezultuar se: Shtetasja E.P,  15 vjeçe ishte në gjendje të rëndë psikologjike dhe ndodhej tek banesa e xhaxhait të saj. Nga veprimet paraprake Specialistët për Hetimin e Krimit në Komisariatin e Policisë Dibër kanë konstatuar se kishin të bënin me një rast të kryerjes së marrëdhënieve seksuale me persona  në gjini.

Ndodhur në këto kushte shtetasja E.P është shoqëruar në Komisariatin e Policisë Dibër ku në prani të Psikologut, Prokurorit dhe të njerkës së saj është marrë në pyetje ku ka rezultuar se: Më datën 18.08.2016 rreth orës 11:00,  poshtë fshatit në një vend të pyllëzuar shtetasi Guri Përgjegji, i cili është edhe babai biologjik i saj ka kryer marrëdhënie seksuale me dhunë me të dhe është larguar menjëherë në drejtim të pyllit.

Efektivat e Policisë të Komisariatit të Policisë  Dibër kanë bërë krehjen e territorit si dhe mbi bazën e informacioneve të marra në rrugë operative në orët e para të mëngjesit kanë bërë kapjen dhe arrestimin në flagrancë të shtetasit: Guri Përgjegji, 46  vjeç, banues në  Njësinë Administrative Kastriot Dibër,  për veprën penale ‘Kryerjes së marrëdhënie seksuale në gjini”, parashikuar nga neni  106 i Kodit  Penal. Kapja e tij u bë në një banesë të pabanuar të fshatit. Ekspertiza mjeko- ligjore  paraprakisht ka konfirmuar kryerjen e kësaj vepre penale. Të gjitha veprimet e para hetimore  janë kryer nën kryesimin e Prokurorit. Materialet do ti kalojnë Prokurorisë  Rrethit Gjyqësor Dibër.