Diell dhe temperatura deri në 31°C, parashikimi i motit për sot

Dita e sotme do të jetë me diell dhe me temperatura që arrijnë deri në 31 gradë celicius në zonat e ulëta.

MeteoAlb njofton se do të vijojë ndikimi i masave ajrore të qëndrueshme në Shqipëri, duke sjellë mot të kthjellët dhe të nxehtë gjate paradites por orët e pasdites dhe në vijim sjellin kalime vranësirash të lehta nëpër territor ku më të dukshme do të jenë në veriore dhe pjesërisht në qendër te territorit duke rrezikuar shira të përkohshëm. Të njëjtat kushte të kthjellimeve dhe vranësirave të shpeshta do të na shoqërojnë dhe gjatë natës.

Temperaturat e ajrit do të rriten në mëngjes dhe mesditë duke luhatur vlerat ditore nga 9°C deri në 31°C. Era do te fryjë e lehtë dhe mesatare me shpejtësi mbi 35 km/h nga drejtimi kryesisht jugor duke krijuar në brigjet detare dallgëzim mbi 2 ballë.