Digjet shtëpia në Vlorë, 3 zjarrfikëse ndodhen në vendngjarje
Aktualitet E Enjte, 2 Janar 2020 09:14
Një shtëpi është përfshirë nga flakët mëngjesin e sotëm në qytetin bregdetar. Ngjarja ka ndodhur rreth orës 08:30 në një banesë private.
Në momentin që banesa është përfshirë nga flakët familjarët kanë qenë zgjuar dhe kanë dalë me shpejtësi jashtë duke shpëtuar pa lëndime.
Tre zjarrfikëse ndodhen në vendngjarje dhe po punojnë për shuarjen e flakëve. Zjarri ka nisur në kuzhinë, ndërsa paraprakisht dyshohet se shkak mund të ketë qenë ndonjë shkëndijë elektrike, megjithatë vijojnë hetimet.
