Dita nis me diell, por në zonat malore priten stuhi shiu. Njiuni me parashikimin e motit

Vendi ynë sot do të mbizotërohet nga alternime kthjellimesh dhe vranësirash duke sjellë mot të qëndrueshëm dhe të nxehtë në të gjithë territorin, por në zonat malore priten edhe stuhi shiu afatshkurta.

Sipas Meteoalb, sot temperaturat do të kenë një rënie të lehtë ku do të variojnë: në zonat malore, nga 14°C në 28°C, në zonat e ulëta nga 19ºC në 34°C dhe në zonat bregdetare nga 23°C në 35°C.

Era do të fryjë në drejtim Veriperëndimor ndërsa forca e valëzimit në det do të jetë deri në mbi 3 ballë.

Kosova sot do të mbizotërohet nga alternime vranësirash dhe kthjellimesh të cilat do të sjellin mot kryesisht të qëndrueshëm por do të ketë edhe stuhi shiu në disa zona. Temperaturat do të pësojnë një rënie të lehtë ku do të variojnë: në zonat malore nga 14°C në 29°C dhe në zonat e ulëta nga 17°C në 31°C.