Djegiet e makinave, paralajmërime ose larje hesapesh

Vlora është qyteti i ngjarjeve që kanë tronditur opinionin publik. Dhjetëra ngjarje zjarrëvenie të makinave janë regjistruar por kapja e autorëve është e pakët.

Zjarrëvëniet e qëllimshme tek automjetet shikohen nga policia si paralajmërime apo larje hesapesh.

Ndër ngjarjet më të rënda të kësaj natyre është atentati me eksploziv në mjetin e ish-gjyqtarit të Vlorës, Skërdilajd Konomi, ngjarje kjo ende e pazbardhur. Edhe pse motivet janë të qarta për shumë atentate me eksploziv apo djegie automjetesh, autorësia e tyre ka mbetur enigmë.

Për ekspertët e Policisë lokale që e njohin mirë situatën e krijuar, këto ngjarje janë pjesë e luftës e rrjeteve kriminale që janë në qytet ku herë pas here raportohet edhe për persona të zhdukur.