Do të lëvizim lirisht? Manastirliu: Nuk ka asnjë vendim të marrë nga BE-ja

Komiteti Teknik i Ekspertëve është mbledhur këtë të mërkurë, aty ku u dha vendimi në lidhje me karantinimin e qytetarëve që vijnë nga Greqia dhe Maqedonia e Veriut. Me afrimin e sezonit veror, një nga pyetjet është dhe për lëvizjen e lirë. Ministrja e Shëndetësisë, Ogerta Manastirliu, e pyetur nëse do të mund të lëvizim lirisht, tha se deri më tani nuk ka asnjë vendim të marrë nga Bashkimi Europian.

Pyetja: A mund të lëvizin lirshëm?

Deri më tani nuk ka asnjë vendim të marrë nga BE përsa i përket llojeve të vaksinave dhe lëvizjes. Dua të theksoj se edhe nga informacionet e fundit, janë duke u marrë në konsideratë për t’u vlerësuar nga EMA si vaksina. Deri më tani nuk ka asnjë kufizim të vendosur.