Do të rritet çmimi i kafesë? Enri Jahaj: Kemi rritur pagat e punonjësve

Kreu i Shoqatës se Bar-Restoranteve, Enri Jahaj flet për situatën në të cilën ndodhet sektori i shërbimeve. Ai u shpreh se rrogat e punonjësve në këtë sektor janë rritur, si pasojë edhe kostot. Ai paralajmëroi edhe rritje të çmimit të kafesë.

“Në 10 veta të pyetur 9 duan të hapin një bar/restorant. Ne nuk kemi qendra kulturore. Ne i kemi lënë teatrot, kinematë. Zyrat zhvillohen sot në bar/kafe. Njerëzit po i mbyllin punët e tyre në lokal. Ai është një klient që të zë një tavolinë në mënyrë virtuale, nuk të bën xhiro. Ai do përkujdesje, madje ka edhe ankesa. Ky nuk është një klient potencial”,-tha Jahaj.

Si është situata? “Ka një tkurrje të fuqisë blerëse. Së pari, ka ndikuar rritja e kostove. Po na ndihmon mbajtja e ulët e euros. Por në momentin që eruo do të shkojë në standardin e vetë. Ne nuk operojmë më me paga minimale. Kam dëgjuar për paga shumë të mira në qytete si Berati apo Korça. Në këtë drejtim, të gjitha kostot te ne janë rritur, por ne po vazhdojmë me të njëjtat çmime. Te bari i lagjes kafja është rritur, por do të rritet sërish”, u shpreh në A2 Business.