Presidenti amerikan, Donald Trump, do të largohet nga Shtëpia e Bardhë të mërkurën në mëngjes, më 20 janar, disa orë para ceremonisë të betimit të Joe Biden ai presidenti i 46-të i SHBA dhe që do të marrë detyrën në ”1600 Pennsylvania Avenue”, raportuan burimet e administratës, njoftuar nga media të ndryshme amerikane.
”Marine One”, helikopteri presidencial, do të shoqërojë për herë e fundit presidentin Trump në bazën ”Andrew” ku e pret fluturimi i fundit me avionin ”Air Force One”, në bordin e të cilit ai do të udhëtojë për në Florida, në shtëpinë e tij në Mar-a-Lago, West Palm Beach.
Në pistën e bazës do të zhvillohet një ceremoni lamtumire me tapet të kuq, shoqëruar nga një bandë ushtarake dhe gjuajtje me top.
Disa anëtarë të stafit të Shtëpisë së Bardhë do e ndjekin për në Florida, ku do të vazhdojnë të punojnë për ish-presidentin dhe familjen e tij.