Donin t’i vinin flakën një lokali bastesh, vdes 19 vjeçari, një plagoset

Kanë tentuar të shkatërrojnë një lokal bastesh duke i vënë flakën por janë dëmtuar vetë.Mediat italiane shkruajnë se autorë të dyshuar janë një 19 vjeçar shqiptar, i cili gjeti  vdekjen nga shpërthimi dhe një tjetër u  plagos. Ngjarja u shënua në orës 3.00 të mëngjesit të sotëm (2 nëntor), në sheshin Calvi të Ligurias, Itali.

Bashkëpunëtori i tretë ka shpëtuar me plagë të lehta.19-vjeçari, identiteti i të cilit nuk bëhet i ditur, sëbashku me dy bashkëpunëtorë të tjerë (njëri prej tyre shqiptar), kanë tentuar t’i vinin flakën duke përdorur benzinë.

Por diçka nuk shkoi mirë, dhe kanaçja me benzinë i shpërtheu 19-vjeçarit shqiptar duke lënë të vdekur, si dhe plagosi bashkëkombasin e tij. Ndërsa personi i tretë arriti të dilte nga ngjarja dëmtime, raportojnë autoritetet lokale.

Nuk përjashtojet mundësia që personat të kishin me vete dhe lëndë plasëse.

Sipas dëshmitarëve, “shpërthimi ishte aq i madh, sa që dera e pikës së basteve u gjet afër 40 metra larg”.

Shtetasi tjetër shqiptar që u plagos u dërgua menjëherë në spital dhe ndodhet në gjëndje kritike për jetë, ndërsa personi i tretë po merret në pyetje nga hetuesit.

Ende nuk dihen arsyet që i çuan këto tre persona (dy shqiptarë) të sulmonin qendrën e basteve.