Drejtori i shkollës në Elbasan dhunon nxënësit dhe u hedh ushqimin, policia e procedon, Bashkia e gjobit

Drejtori i një shkolle private në Elbasan është proceduar penalisht nga policia e Elbasanit pasi u shfaq në një video “skandaloze” nëpër rrjete sociale teksa dhunonte nxënësit në oborrin e shkollës dhe hidhte ushqimet e tyre.

Bëeht me dije se policia nisi ndjekje penale për shtetasin turk, F. Konuksever për veprën penale “Fyerja e të miturve”.

Edhe pse nuk dihen ende rrethanat e ngjarjes, asnjë shkak nuk justifikon sjelljen e paprecedentë të një drejtuesi institucioni arsimor.

Nga ana tjetër ka reaguar edhe Bashkia e Elbasanit e cila ka gjobitur shtetasin turk për ndotje të mjedisit teksa shfaqet duke hedhur ushqimet e fëmijëve.