Duke punuar bie në pus, mbytet 74-vjeçari në Fier

Një ngjarje e rëndë ka ndodhur ditën e sotme në fshatin Agim, në Fier. Një 74-vjeçar është gjetur nga familjarët i mbytur në pus.

Sipas policisë viktima i identifikuar si Jorgji Sota mund të ketë rënë aksidentalisht në pus pasi ka qenë duke punuar.

“Sot rreth orës 11:35, në fshatin Agim, Fier, është gjetur nga familjarët i mbytur në pusin e tij shtetasi J. S., 74 vjeç. Dyshohet se 74-vjeçari mund të ketë rënë aksidentalisht në pus pasi ka qënë duke punuar”, njofton policia.