Durrës, 19 balerina dhe një klient i armatosur mes të ndaluarve

Shoqërohen 19 balerina në Durrës. Një i arrestuar me armë

Pas Tiranës u zhvillua gjatë orëve të nartës një aksioni blic i policisë së Durrësit.  Aksioni u fokusua në lokalet e natës që u finalizua me 38 të shoqëruar gjithsej, mes të cilave 19 ishin balerina, por edhe një person i arrestuar për armëmbajtje.

Sipas policisë, janë ushtruar kontrolle në 7 lokale të Durrësit dhe Shijakut, të evidentuara si më problematiket.

“Si rezultat janë shoqëruar në ambjentet e Komisariatit të Policisë Durrës 22 shtetas, 15 prej tyre janë balerina. Ndërsa, në ambjentet e Komisariatit të Policisë Shijak janë shoqëruar 16 shtetas ku 4 prej tyre janë balerina”- njofton policia.

Ndaj  dy  shtetasve  filloi  proçedimi  penal  për  vepra  penale  të  ndryshme. “Në Shijak u arrestua Gëzim Aleksi 39 vjeç, banues në  fshatin Xhafzotaj, Shijak, frekuentues  në  një  nga  lokalet  ku  u  ushtrua kontrolli”- njofton policia.

Këtij shtetasi iu gjet një armë zjarri pistoletë e prodhimit Jugosllav, kalibër 7.62 mm dhe një krëhër të vendosur në pistoletë me 7 fishekë kalibër 7.62 mm.

“Shtetasi Gëzim  Aleksi  në  vitin  1998  është  dënuar  me  25  vite  burg  për  veprat penale: “Rrëmbim personi”; “Vjedhje me dhunë”dhe “Krime kundër jetës”. Ai është liruar në fillim të vitit 2015, ”- njofton policia.

Në një aksion të ngjashëm në Tiranë pak ditë më parë u shoqëruan 22 balerina që më pas u lanë të lira pas verifikimeve, duke qenë se punonin me licencë.