Durrës, dy në pranga për trafik droge dhe armë pa leje

Policia e Durrësit prangosi 2 persona për trafik të lëndëve narkotike dhe shpërndarje në sasi të vogla, por edhe për veprën kriminale në fushën e trafikut të armëve.

Burime nga policia bëjnë të ditur se janë arrestuar Admir Dokolli, 35 vjeç, dhe Eduard Hoti, 42 vjeç.

Arrestimi i tyre u bë në vendin e quajtur “Mbikalimi i Fushë Krujës”, në kuadër të operacionit “Mbikalimi” dhe gjatë kontrollit të automjetit me të cilin udhëtonin, i markës Mercedes Benz  me targë “Tr 8288M” është gjetur dhe sekuestruar një armë zjarri automatike , model  56.

Nga kontrolli që u bë nga Specialistët e sektorit kundër narkotikëve  në banesën e shtetasit Eduart Hoti janë gjetur edhe rreth 500 fara të bimëve narkotike Canabis Sattiva ,50 gr lëndë narkotike ,e dyshuar Canabis Sattiva.