Durrës, sekuestrohen 700 kg kanabis, 6 të arrestuar

Sekuestrohet një tjetër sasi e madhe droge, pas asaj në Gjirokastër. Një operacion i nisur në orët e vona të mrëmjes së të premtes (16 tetor 2015) në zonën e Kënetës në qytetin e Durrësit ka sjellë sekuestrimin e 700 kg kanabis. Lënda narkotike u gjet gjatë kontrollit të një banese, ndërsa janë arrestuar 6 persona në kushtet e flagrancës. Sipas policisë lënda narkotike ishte e paketuar dhe gati për transport. Operacioni nisi në orën 23:00 të mbrëmjes së djeshme dhe vijon ende. Në orët në vijim pritet të ketë detaje të reja rreth këtij operacioni.