Dy turistë humbin rrugën në malin e Çikës, nis kërkimi për shpëtimin e tyre

Dy turistë kanë humbur orientimin gjatë eksplorimit të malit të Çikës. Ata kanë dërguar sinjalin SOS, duke kërkuar ndihmë pasi nuk kanë mundur të gjejnë rrugën për t’u kthyer. Në drejtim të zonës janë nisur grupet e shpëtimit të Administratës së Zonave të Mbrojtura, në bashkëpunim me Policinë. Ekipet po punojnë për lokalizimin e vendndodhjes së saktë të turistëve, ndërsa operacioni i kërkim-shpëtimit vijon në terren.