Dy vdesin nga kontakti me korentin…

Dy persona kanë humbur jetën pasi dyshohet se ranë në kontakt me rrymën elektrike në ambientet e jashtme të një lokali në fshatin Karmë, Vau i Dejës. Viktimat janë Sokol Preka, 40 vjeç, roje i lokalit, dhe David Deda, 46 vjeç, elektricist.

Sipas policisë, të dy u transportuan drejt spitalit, por nuk arritën t’u mbijetonin dëmtimeve. Grupi hetimor, nën drejtimin e Prokurorisë, po punon për të zbardhur rrethanat e plota të ngjarjes.