Sa duhet të ruajmë distancën që të mos prekemi apo të infektojmë të tjerët me Covid-19? Një video nga ”Daily Mail”, tregon trajektoren e teshtitjes që mund të arrijë deri në rreth 8 metra. Koronavirusi ngjitës mund të përhapet përmes spërklave të teshtitjes dhe kollës. Shkencëtarët amerikanë filmuan një video-klip të një personi të shëndetshëm gjatë një teshtime, e cila u ngadalësua nga 25 sekonda në një minutë e gjysmë. Ata zbuluan se spërklat e gjetura virale në kollë dhe teshtimë mund të udhëtojnë në një atmosferë të lagësht dhe të ngrohtë me shpejtësi 10-30 metra në sekondë.