E zuri korrenti pranë një kabine elektrike, humb jetën 24-vjeçari në Durrës
Aktualitet Kronikë E Mërkurë, 21 Dhjetor 2022 14:22
Një 24-vjeçar A.D., është gjetur i pajetë në lagjen nr.14, Durrës, në afërsi të një kabine elektrike.
Dyshohet se i riu ka humbur jetën për shkak të kontaktit me rrymën elektrike.
“Specialistët për Hetimin e Krimeve të Komisariatit të Policisë Durrës kanë referuar materialet në Prokurori, për vlerësim, pasi në lagjen nr.14, Durrës, në afërsi të një kabine elektrike është gjetur pa shenja jete, shtetasi A. D., 24 vjeç, banues në lagjen nr.14, Durrës, i cili dyshohet se ka humbur jetën për shkak të kontaktit me rrymën elektrike”, thuhet në njoftim.
