Edhe 14 kryebashkiakë marrin mandatet 4-vjeçare nga KQZ-ja

61 bashkitë e vendit po shkojnë drejt ceritifikimit të rezultatit që doli nga zgjedhjet lokale të 14 Majit, ku PS-ja fitoi bindshëm dhe PD-ja pësoi humbjen më të thellë dhe drastike.

Komisioni Qëndror Zgjedhor, këtë të mërkurë miratoi shpërndarjen e mandateve sipas rezultatit zgjedhor për subjektet politike të zgjedhjeve të 14 Majit për Këshillat Bashkikë të Bashkive: Peqin, Has, Kukës, Vau Dejës, Mirditë, Mat, Klos, Bulqizë, Shijak, Cërrik, Gramsh, Prrenjas, Patos, Roskovec.

KQZ vendosi dhënien e mandatit të Kryebashkiakut për Bukurosh Maçi, i propozuar nga PS në Bashkinë e Peqinit. I dha mandatin Miftar Dautit, i koalicionit “Bashkë Fitojmë” në Bashkinë Has. Po ashtu, edhe Safet Gjicit të propozuar nga PS, në Bashkinë e Kukësit.

KQZ po ashtu vendosi dhënien e mandatit të kryetarit të Bashkisë për Kristian Shkrelin, të propozuar nga PS, në Bashkinë e Vaut të Dejës. Në Mirditë iu dha mandati Albert Mëlyshit, propozuar nga Bashkë Fitojmë, Në Mat, Agron Malaj propozuar nga PS. Në Klos Valbona Kola nga PS. Në Bulqizë, Festime Mjeshtri nga PS. Në Shijak Elton Arbana PS, në Cërrik Andi Salla nga PS, në Besion Ajazi në Gramsh nga PS, Në Përrenjas Nuri Belva nga PS. Në Patos Fation Duro nga PS Në Roskovec Majlinda Bufi nga PS.