Edhe qytetarët e Dimalit dalin në protestë kundër propozimit të PS

Pas qytetarëve në Poliçan, Përrenjas dhe Klos, në protestë kanë dalë edhe qytetarët e Dimalit. Ata nuk janë dakord me shkrirjen e bashkisë së tyre në një të vetme, me atë të Poliçanit dhe Beratit. “Ne duhet ta mbrojmë Dimalin dhe jo t’ua japim te tjerëve”, tha një protestuese duke kundërshtuar kështu propozimin e Partisë Socialiste për Reformën Territoriale. Ky ndryshim është pjesë e planit për uljen e numrit të bashkive në Shqipëri nga 61 në 46.