Eksplozivi u hodh me dron në tarracën e biznesit trekatësh në Durrës

Një sasi eksplozivi është hedhur mbi tarracën e një godine trekatëshe, objekt biznesi në lagjen nr 14  në Durrës. Ngjarja u shënua më 9 qershor, ndërsa sot u mësua se sasia e lëndës plasëse mbi tarracën biznesit është hedhur nga një dron

Nga shpërthimi i lëndës plasëse nuk ka pasur të lënduar, vetëm dëme materiale dhe është ndaluar një person.

Sipas policisë biznesi është në pronësi të shtetasit me inicialet J.D ndërsa është arrestuar shtetasi Gentian Metaj. Ndaj tij Gjykata e Durrësit ka vendosur masën e sigurisë ‘Arrest në burg’.

Ky është rasti i parë në vend që një objekt është sulmuar me dron. /Ora News