Emërohet anëtarja e re e Këshillit të BSH

Këshilli mbikëqyrës i Bankës së Shqipërisë është plotësuar me të gjithë anëtarët e rinj pas zgjedhjes së Guvernatorit të Bankës së Shqipërisë.

Në mbështetje të nenit 100 të Kushtetutës dhe të shkronjës “b”, të pikës 2, të nenit 44, të ligjit nr.8269, datë 23.12.1997, “Për Bankën e Shqipërisë”, të ndryshuar, me propozimin e Kryeministrit, Këshilli i Ministrave miratoi propozimin e Kuvendit të Republikës së Shqipërisë, të znj. Denada Prifti për anëtarë në Këshillin Mbikëqyrës të Bankës së Shqipërisë.

Ky vendim hyn në fuqi menjëherë dhe botohet në “Fletoren zyrtare”.