Emigrantët presin mbi 8 orë për të hyrë në Shqipëri

Si për çdo festë Krishtlindjesh apo Pashkësh, edhe këtë vit emigrantët shqiptarë janë bllokuar me orë të tëra në doganën e Kakavijës, në pritje për të hyrë në Shqipëri.

Radha e automjeteve në tokën greke ka arritur në 3 km, pasi doganierët grekë punojnë vetëm me 2 sportele, ndërsa ata shqiptarë, me 5.

Qytetarët tregojnë për “News 24” se kanë mbi 8 orë që presin në radhë, ndërkohë që pjesa më e madhe e tyre kanë me vete fëmijët.