Emigrantët shqiptarë izolohen nga dëbora, kërkojnë ndihmë (Foto)

Një mot ekstrem ka ‘pushtuar’ Athinën ku reshjet e dëborës kanë bllokuar rrugët kryesore të vendit.

Një situatë emergjence është krijuar edhe në Kapandriti të Athinës, ku disa emigrantë shqiptarë i janë drejtuar numrit të Top Channel për të kërkuar ndihmë pasi janë bllokuar në këtë zonë për shkak të dëborës së madhe.

Siç shihet në pamjet e mëposhtme, është e pamundur që qytetarët në këtë zonë të lëvizin.

Temperatura të ulëta mbizotërojnë në pjesën më të madhe të Greqisë, ndërsa vala e motit të keq me emrin simbolik “Medea” e shoqëruar me reshje bore dhe erëra të fuqishme ka mbi dy ditë që po shkakton probleme të mëdha.