Emrat/Zbulohet identiteti i dy viktimave të aksidentit në Shkopet

Policia e shtetit ka dhënë detaje mbi aksidenti e ndodhur pak pas mesditës së sotme në dalje të tunelit të Shkopetit.

Sipas njoftimit zyrtar rreth orës 13.30 të së shtunës është njoftuar se në rrugën Milot -Burrel,  në vendin e quajtur  tuneli i Shkopetit në dalje, një mjet Benz me targa AA 923 FH  ka humbur kontrollin dhe  ka dalë  nga rruga.

Në mjet po udhëtonin 3 vëllezër dhe kushëriri i tyre banues në Sukth të Dibrës.

Si pasojë kanë mbetur  të vdekur  shtetasit Afrim Rexhepi dhe Fitim Nelku.

Kanë mbetur të plagosur dhe  ndodhen në spital nën kujdesin e mjekëve dy vëllezërit A.R. dhe A.R.

Të aksidentuarit janë punëtorë ndërtimi në Shupenzë të Dibrës ku kanë qenë duke u kthyer  nga puna.