Erion Braçe: Në protestë ka axhenda primitive dhe të rrezikshme!

Nga Erion Braçe-

PAS GJITHË MESAZHEVE DJE,

KOMENTEVE, DY GJËRA:

UNË KAM QENË SOCIALIST, JAM SOCIALIST,

DO JEM SOCIALIST – KJO GJË NUK NDRYSHON, MOS INSISTONI KOT.

Ama kjo nuk do të thotë që unë kam mbyllur apo do të mbyll sytë, veshët, gojën dhe kam ngritur dorën e miratimit;

JO! As e kam bërë, as e bëj, e as do ta bëj vetëm për këtë shkak, nuk ndodh!

PO, NË PROTESTË KA AXHENDA PRIMITIVE DHE TË RREZIKSHME – E PARA AXHENDA POLITIKE!

Jo vetëm për shkak të pranisë së qartë të drejtuesve e njerëzve të partive politike, por mbi të gjitha për shkak të kërkesave të qarta politike: RRËZIM TË QEVERISË, DELEGJITIMIM TË MAXHORANCËS!

Delegjitimim pa votë, por në tavolinë, kërkesë e sjellje prej një jete e Sali Berishës kjo, e dështuar afërmendsh.

E rreshtuar kështu – dorëheqje e Qeverisë, delegjitimim i Maxhorancës me gojë, nga sheshi, përzgjedhje nga sheshi të 101 përfaqësuesve të pavotuar në procese të ligjshme zgjedhore, zgjedhja prej tyre e ministrave të një Qeverie teknike që në një vit nuk duhet të bëjë gjë, por të presë formimin apo forcimin e forcave politike, dhe këtë duhet ta votoj unë symbyllur, është jo vetëm utopi qesharake, por populizëm primitiv dhe i rrezikshëm;

NUK PASON PAQENDRUESHMËRIA, MUNGESA E QEVERISJES, POR KAOSI – E DUAN NJERËZIT KËTË?!

Ndërkohë, KY VEND, këtë vit – viti i sheshit sipas sheshit – është në procesin e mbylljes së kapitujve në NEGOCIATAT E ANËTARËSIMIT ME BASHKIMIN EVROPIAN; nga 1912 nuk ka projekt politik më të madh e më jetik për Shqipërinë se ky!

Thënë këtë, PO NE KEMI PROBLEME ME DEMOKRACINË, ZGJEDHJET, LIGJIN E LIGJSHMËRINË – na i kanë vënë në dukje negociatat me BE, duhet t’i adresojmë sa më parë në rrugë legjitime, kurrë populiste, por kthimi në epokën e gurit thjesht sepse nuk fiton dot, nuk është zgjidhje!