Euronews: Në rrjet ka foto e video fake me qëllim dezinformimin për Shqipërinë

Një verifikim i rrjetit prestigjioz ndërkombëtar ”Euronews” tregon se në rrjet kanë qarkulluar foto e video të ndryshme “fake” ose me qëllim dezinformimi në lidhje me Shqipërinë dhe idenë e projektit turistik në Sazan apo Zvërnec.

Duke analizuar materialet që qarkullojnë në mënyrë intensive në rrjet, “Euronews” sqaron se një sërë videosh, fotosh dhe teorish virale janë të pavërteta ose të manipuluara.

Një video e paraqitur si shtëpia e Edi Ramës në flakë, në fakt tregonte ish-vilën e Enver Hoxhës.

Një foto që paraqitej si “kufiri i ri” në Zvërnec me flamuj shqiptarë dhe izraelitë rezultoi e manipuluar digjitalisht.

Një video e paraqitur si dëbim i “izraelitëve” në Shqipëri, në fakt i përket një tjetër proteste.

Po ashtu, rezulton fake pretendimi se projekti është pjesë e një plani për zhvendosjen e palestinezëve në Shqipëri.