Faktet / Si po e shpërdoron Rilindja Kadarenë për krimet e veta

“Mbani gojën! e ka thënë dhe vetë Kadare”. Pra në lojë nuk jeni ju njerzit e vegjël e të zakonshëm që kundërshtoni qeverisjen, por vetë shkrimtari i madh me njohje ndërkombëtare. Kjo është pak a shumë loja që po bën Rilindja së cilës nuk i ka mbetur më asnjë armë për të mbuluar me propogandë mëkatet e saj.

Pak ditë më parë, shërbeu një veprimtari e institutit të studimeve historike Lumo Skëndo, që promovonte vëllimin e tretë të veprës së Mid’hat Frashërit, për ta përdorur Kadarenë për çështjen e shembjes së Tearit Kombëtar. Kadare që ishte i pranishëm në këtë ceremoni, pati shkruar një parathënie të veprës që në vitin 2008. Aty shkrimtari do të shprehej se Shqipëria është i vetmi vend në Europë që s’ka një teatër dhe se ngrehina aktuale e Teatrit Kombëtar ka shërbyer për të argëtuar ushtarët italianë në kohën e pushtimit. “Teatri Kombëtar i sotëm, ish-Teatri Popullor i kohës së komunizmit, i cili quhej dikur kinema “Kosova”, nuk ka qenë veçse një ndërtesë e përkohshme, nga ato që ushtria italiane i përdorte për zbavitjen e trupave të saj”- shkruante Kadare.

Por këto pasazhe te vitit 2008 u rrëmbyen menjëherë nga një sharlatani i klasit të parë si Erion Veliaj.

Pra shiheni me sytë tuaj si e servirin mediat manipulimin e një spekullanti si Veliaj: “Kadare theksoi nevojën për një teatëri të ri” shkruajnë gazetat e kapura nga ai, pa theksuar se kjo është një parathënie e 10 viteve më parë dhe duke e futur shkrimtarin në debatin e ditës, për ta përdorur si alibi për 6 kullat që kërkon të ndërtojë, Veliaj, Rama dhe Shkëlqim Fusha.

Pafytyrësia tejkalon çdo imagjinatë dhe mediat bythëlëpirëse ndaj Veliajt as nuk e vënë trurin në punë qoftë dhe për të përmendur se bëhet fjalë për dy kohë të ndryshme dhe se Ismail Kadare as nuk është prononcuar sot për “sherrin” aktual për shembjen e teatrit.

Mashtrues më me klas se sa kryebashkiaku palaço, Edi Rama përdor manovra pak më të rafinuara. Me legjitimitet tejet të cunguar, pasi i janë rrëzuar dy ministra të brendëshëm si njerëz të lidhur me drogën, kryeministri kërkon ti mbushë mendjen shqiptarëve se i treti, Sandër Leshi, do të jetë i vërteti.

Dhe për këtë i thërret në ndihmë sërish asaj që Kadare ka thënë 6 vite më parë, në kohën kur president u zgjodh Bujar Nishani. Atëherë Ismaili e propozoi ministrin e sotëm të brendëshëm si kandidat për president dhe e argumentoi kështu përzgjedhjen e tij: “Pjesëmarrja dinjitoze e tij në një polemikë me karakter historiko-filozofik për strategjinë ushtarake shqiptare të Mesjetës ka qenë një nga shembujt. Përsa u përket cilësive për President, kam çmuar integritetin moral, paanshmërinë dhe sidomos përkushtimin ndaj detyrës dhe vendit. Për Presidentin e një Shqipërie serioze dhe të moralshme janë të detyrueshme këto cilësi”.

Por kjo histori e vitit 2012, po u serviret sot shqiptarëve sikur Rama ka zgjedhur si ministër që do të luftojë drogën dhe krimin, atë që i ka rekomanduar Kadare. Dhe pothuajse në të gjithë titujt e mediave ku u vu për herë të parë emri i Lleshit, ishte përkrah dhe ai i Kadaresë.

Natyrisht, ndryshe nga prestigjatori Veliaj, i cili nuk la shkollë dhe tubim pa e falenderuar shkrimtarin për shembjen e Teatrit, Rama nuk foli me gojën e tij. Këshilltarët e vet mediatikë i ricikluan deklaratat e vjetra në media, duke luajtur me përshtypjen që ajo i linte lexuesve.

Që nga lartësia e talentit dhe moshës së tij, Kadare ndoshta nuk ka dashur të hyjë në këto manipulime meskine dhe për përdorim të ditës. Ai mund ta ketë parë si ofenduese të futet në konflikt me delenxhijtë e vegjël të Rilindjes. Por, Lapsi.al, po i sjell këto fakte në vemendje të publikut, më shumë sesa për të mbrojtur Ismailin, që nuk ka vevojë për këtë, për të pasur respekt për të vërtetën. Atë të vërtetë që nuk ngurojnë t’a përdhunojnë rilindasit qoftë dhe duke përdorur shkrimtarin si mburojë për krimet e tyre./lapsi.al/