Falsifikim parash dhe vjedhje, arrestohen tre persona në Vlorë

Tre persona janë arrestuar nga Policia e Vlorës, pasi akuzohen për falsifikim e parash dhe vjedhjes.

Policia njofton se në pranga ka rënë Dh.B., 36 vjeç banues në Vlorë. 36-vjeçari u ndalua pasi dyshohet se ka blerë orendi shtëpiake duke i dhënë shtetasit N.Sh, një kartëmonedhë me prerje 500 euro, e cila dyshohet të jetë e falsifikuar. Gjithashtu në momentin e arrestimit, ky shtetas po drejtonte mjetin pa leje drejtimi përkatës.

Ndërkohë, janë ndaluar dhe dy persona të tjerë. Konkretisht, është një 41-vjeçar i shpallur në kërkim. Ndalimi i tij u bë pasi dyshohet se ky shtetas në muajin Shkurt 2020, ka vjedhur një sasi prej 17 000 lekë të rinj, në banesën e shtetasit A.H, lagjia “Lirimi” Vlorë.

Gjithashtu,  është ndaluar dhe një 39 vjeçar banues në Vlorë. Ndalimi i tij u bë pasi Gjykata e Shkallës së Parë Vlorë, i ka vendosur masën e sigurisë “Arrest në burg” për veprën penale “Vjedhja”. Materialet iu referuan Prokurorisë për veprime të mëtejshme.