Ferma në mes të Tiranës, panairi ”Shqipëria punon tokën” (FOTO)

Pas panairit të Librit radhën e ka panairi “Shqipëria punon tokën”, i cili është çelur ditën e sotme dhe ka mirëpritur rreth 400 pjesëtarë në sheshin ”Skëndërbej”. Vlerësohet si një ndër panairet më të mëdhenj të bujqësisë shqiptare, me qëllim që të tregohet se fermerët  janë ata të cilët punojnë dhe lodhen gjithë vitin për të mbushur tryezat tona me ushqime cilësore. Në këtë panair kanë marrë pjesë rreth 400 fermerë nga të gjitha trevat e Shqipërisë. Përveç fermerëve të thjeshtë, pjesëmarrës kanë qenë edhe agropërpunuesit, kompani të mëdha si dhe figura të njohura të politikës shqiptare.