Kryeministri Edi Rama ka ndarë në rrjetet sociale një video që sjell atmosferën emocionuese të festimeve të Ditës së Pavarësisë në qytetin e Lezhës. Ngjarja simbolike me një performancë të kërcimit të vajzave të veshur me kostume kuqezi, e cila ka “pushtuar” me një harmoni dhe gjallëri muret e gurta të legjndares së Kuvendit të Kryesotërve të Arbrit, është zhvilluar në kalanë historike të qytetit, një vend simbolik për historinë e kombit shqiptar.
Në këtë kala, në vitin 1444, u mblodh Kuvendi i Lezhës, një moment historik që shënoi bashkimin e prijësve shqiptarë nën udhëheqjen e Gjergj Kastriotit Skënderbeut. Festimet, të mbushura me ngjyra, muzikë dhe aktivitete tradicionale, rikthyen jehonën e këtij momenti të madh historik, duke bërë bashkë qytetarë të shumtë për të nderuar sakrificën dhe idealet e paraardhësve tanë.
Videoja e publikuar nga Kryeministri Rama përcjell emocionin e kësaj dite të veçantë, përcjellur nga performanca e vajzave, duke nxjerrë në pah jo vetëm rëndësinë historike të Kalasë së Lezhës, por edhe gjallërinë e shpirtit patriotik që mban gjallë kujtesën kombëtare. Kjo atmosferë është një dëshmi e qartë e rëndësisë së ruajtjes dhe promovimit të trashëgimisë kulturore dhe historike, sidomos në ditë të shënuara si kjo.
Festimet në Kalanë e Lezhës janë pjesë e aktiviteteve të shumta që po zhvillohen anembanë vendit për të shënuar këtë ditë të madhe për shqiptarët.
Albert Vataj