Festat e fundvitit, “Omicron” po kthehet në pengesë

Afrimi i festave të fundvitit ka zgjuar interesin e shqiptarëve për të udhëtuar jashtë dhe të huajve për të ardhur në vend, por varianti “Omicron” i koronavirusit po kthehet në një pengesë.

Edhe këtë vit, vendin po e synojnë turistët tradicionalë nga Kosova e Maqedonia e Veriut, por nuk mungojnë as serbët.

Përveç rrezikut të mbylljes së kufijve si pasojë e pandemisë, operatorët turistikë thonë se këtë sezon po mungon oferta për të joshur turistët, ndërsa rritja e çmimeve penalizon edhe më tepër sektorin.